Fillimet e gazetarisë shqiptare - Gazeta “Ishkodra”

Shkrimi sjell fakte të reja mbi botimet e para publicistike në Shqipëri. Falë historianëve turq, publiku ynë mëson se gazeta “İshkodra” ka dalë në dritë 11 vjet më parë nga ç’e dinë deri sot bibliografët e shtypit shqiptar. Pra, “İshkodra” doli për herë të parë më 1868 dhe ridoli më 1879. Nga kjo shtyrje date me plot 11 vjet në thellësi të kohës gazeta “İshkodra” bëhet e para gazetë e botuar në territoret shqiptare, duke lënë pas gazetën “Prizren”, e cila doli në dritë në gusht 1971. Edhe pse vetëm në gjuhën osmane, “İshkodra” shënon gjurmën e parë të gazetarisë në Shqipëri, ndërsa Shkodra bëhet qyteti i par, ku u vendos shtypshkronja e parë, që nxori publikime për qytetarët, një prodhim luksi për banorët e shkolluar.