44 GÜNLÜK VƏTƏN MÜHARİBƏSİNİN DÖYÜŞ TAKTİKASINA GƏTİRDİYİ YENİLİKLƏR

Açar sözlər: döyüş taktikası, pilotsuz uçuş aparatları, əks-hücum, döyüş hədəfi, hərb tarixi Key words: combat tactics, unmanned aerial vehicles, counter-attack, combat target, military history 2020-ci il sentyabr ayının 27-də başlayan və böyük Zəfərlə tamamlanan 44 günlük müharibənin çox mühüm nəticələrindən biri də onun dünya döyüş taktikasına böyük yeniliklər gətirməsi oldu. Bu yeniliklər döyüşlərin aparılması taktikası ilə bağlı mövcud olan təsəvvürlərdə bir çevriliş etdi ki, indi onlar dünyanın güclü ordularının rəhbərləri və hərb mütəxəssisləri tərəfindən maraqla öyrənilməkdədir. Həmin yeniliklər ilk növbədə pilotsuz uçuş aparatlarının kütləvi və səmərəli tətbiqi ilə bağlıdır. Azərbaycanın pilotsuz uçuş aparatlarının səmərəli istifadəsi ilə erməni tanklarının və digər texnikanın hələ döyüş xəttinə gəlib çatmamış, cəbhənin dərinliklərində məhv edilməsi görüntüləri ən müxtəlif hərbi mütəxəssislərdə inanılası mümkün olmayan bir şok effekti yaratmışdı. Hətta Azərbaycan tərəfindən erməni hədəflərinin kütləvi şəkildə məhv edilməsi ilə bağlı nümayiş etdirilən görüntüləri bəzi amerikalı ekspertlər informasiya müharibəsinin elementləri kimi qəbul edirdilər. Azərbaycan təcrübəsinin reallığını qəbul edən mütəxəssislər isə hesab edirdilər ki, Amerikanın İrak VII Respublika Elmi Qaynaqlar Konfransının Materialları / 4 may 2022 Materials of the VII Republican Conference of Scientific Sources / 4 May 2022 DOI: https://www.doi.org/10.36719/2663-4619/2022/03/07 7 müharibəsində raket-artilleriya sistemlərinin fəaliyyəti ilə bombalama şoku yaratmaq təcrübəsi artıq köhnəlmiş taktikadır (1).