Manezaundiren kazetaritza: bere berbaldiaren azterketa

Enrike Zubiri Manezaundi, margolaria izateaz gain, kazetaritzan aritu zen eta lan ugari utzi zituen idatzita, bai euskaraz, bai gazteleraz. Azterketa honetan Manezaundiren euskaraz idatzitako ekoizpena aztertu nahi da erretorikaren ikuspuntutik. Egileak testuetan agertzen duen jarrera eta berorren bidez agertu nahi dituen balioak eta pertsuasio jokabideak ere azaleratu eta etsaminatu nahi izan dira. Arreta berezia eskaini izan zaie pertsuasio erretorikarako lagungarriak diren estrategiei: delectare, movere eta docere (azken honen barruan narratioa eta argumentatio direlakoak). Bestalde, corpuseko testuen formaren analisirako aurreneko pauso bat eskaintzen da hemen, bai eta testuok gizartearekiko duten harremana aztertzen duen atal bat ere, hori guztia geroagoko azterketarako baliagarria izanen delakoan.