MULTİMEDİA İNNOVATİV PEDAQOJİ TEXNOLOGİYA KİMİ

Bəşəriyyətin inkişafının müasir dövründə, qloballaşma şəraitində daha keyfiyyətli pedaqoji proses üçün təhsil sistemində yenilik, innovasiya lazımdır. Kompüter texnologiyaları, multimedia vasitələri də bu cür innovasiyadır. Multimedia vasitələrinin tədris prosesində tətbiqi həm də pedaqoji texnologiyaların hazırlanmasını tələb edir. Multimedia avadanlığı didaktik təlim vasitəsi kimi özündə üç komponenti birləşdirir: - tədris materialının məzmunu; - onun təfsiri metodu; - texnologiyanin öyrənilməsi. Bu komponentlər bir-biri ilə sıx əlaqədə olmaqla, tədris sistemini yaratmaqla özünütəhsil prosesini həyata keçirmək üçün kompleks imkan yaradır. "Multimedia innovativ pedaqoji texnologiya kimi" məqaləsi pedaqoqların ali təhsil müəssisələrində informasiya-kommunikasiya texnologiyaları ilə iş perspektivlərinə, üstünlüklərə, həmçinin multimedia vasitələrindən istifadə ilə bağlı problemlərə həsr edilmişdir.