Qərbi Kaspi Universiteti, Politologiya, Psixologiya və Sosial iş kafedrasının magistrantı

Təqdim olunan məqalədə intellektual inkişafın mahiyyəti, hansı müəlliflər tərəfindən tədqiq edildiyi, xüsusiyyətləri, növləri, həmin növlər haqqında müəlliflərin yanaşmaları və intellektual inkişaf problemləri nəzəri olaraq araşdırılmışdır. Araşdırılmış nəzəri anlayışlar haqqında bölgülər təqdim edilmişdir. İntellektual inkişafının şəxsiyyətin həyatında nə qədər əsaslı yerdə dayandığı qeyd olunub. Şəxsiyyətin yeriməsi, danışması intellektual göstərici hesab olunur. Ruhi-əsəb xəstələrinin də, həmçinin intellekti müəyyən səviyyədədir. İntellekti aşağı səviyyədə olan şəxslərin Dünya Səhiyyə Təşkilatının hazırladığı Xəstəliklərin Beynəlxalq təsnifatında F seriyasının 70-79 kodlu diaqnozundan əziyyət çəkdiyi məsələsinə toxunulmuşdur. İntellektin səviyyəsi bu diaqnoz zamanı qaldırmaq mümkün olmur. Eyni qayda ilə intellektual inkişafın sosial intellekt və emosional intellekt növləri haqqında elmi məlumatların inkişaf etdirilməsi mütəxəssislər qarşısında duran mühüm problemlərdəndir. Detallı olaraq bu məsələlər məqalə geniş mənada öz əksini tapır.