Seyid Səbri Yaradıcılığında Əxlaqi-Didaktik Mövzuların Araşdırılması

Naxçıvan ədəbi mühitində yetişən Seyid Səbri Mirsadıq oğlu Əsədi XX əsrin tanınmış yaradıcı ziyalılarından biridir. O, Naxçıvanda mətbuat və teatrın inkişafına töhfə vermiş, bədii yaradıcılığı ilə oxucuların dünyagörüşünün maarifçilik istiqamətində formalaşmasına təsir etmişdir. Araşdırmada şairin uşaq ədəbiyyatına xidmət edən, pedaqoji və əxlaqi-didaktik yönümlü əsərləri ilk dəfə elmi müstəvidə sistemli şəkildə təhlil olunur. Seyid Səbrinin poeziyası maarif və mədəniyyətin təbliğinə həsr edilmiş, gənc nəslin tərbiyəsinə ictimai və mənəvi aspektdən yanaşılmışdır. Onun əsas məqsədi xalqın savadlanması, elm və təhsilin yayılması, insanların azad və xoşbəxt gələcəyinin təmin olunması olmuşdur. Çoxşaxəli həyat yolu və zəngin ədəbi irsi bu gün də dəyərləndirilir və yeni elmi istiqamətlər üçün mühüm qaynaq hesab olunur.