AZƏRBAYCANDA SOSİAL MEDİANIN EFFEKTİVLİYİ VƏ RƏQƏMSAL MARKETİNQDƏ ONUN ROLUNUN TƏKMİLLƏŞDİRİLMƏSİ İSTİQAMƏTLƏRİ

Müasir dünyada internet insan həyatının bütün sahələrində öz yerini tutub. Biznesdə, peşəkar sferada, onun genişləndirilməsində əvəzsiz köməkçidir. Bu gün yeni media getdikcə daha çox populyarlıq qazanır. Onlar hər kəsə öz məzmununu yaratmaq və başqaları ilə paylaşmaq səlahiyyəti verdilər. Sosial media həyatımızın hər sahəsinə nüfuz edir. Biznes saytının, eləcə də sosial şəbəkədə səhifənin yaradılması gecə-gündüz internet reklamı, satış bazarlarının genişləndirilməsi, yeni müştərilərin cəlb edilməsi və yeni işgüzar əlaqələrin qurulması hesabına mənfəət artımını əhəmiyyətli dərəcədə artıra bilər. İnternetin malik olduğu unikal imkanlar sayəsində rəqəmsal marketinqi bu gün biznesi inkişaf etdirməyin ən populyar yollarından birinə çevrilmişdir. Digər media marketinq növləri ilə müqayisədə rəqəmsal marketinqi çox sürətlə inkişaf edir. Rəqəmsal marketinqin əsas məqsədi hədəf auditoriyanın sosial şəbəkə istifadəçiləri olan hissəsinin məmnuniyyətini maksimuma çatdıraraq fayda əldə etməkdir. SMM ünsiyyət sahəsində yeni bir sözdür. İstənilən informasiya resursuna dərhal çıxış əldə etməyə imkan verir. İnternet özü kütləvi və operativ məlumat mənbəyidir. Demək olar ki, hər bir ölkə təşkilatı, firması və ya şirkətinin şəbəkədə öz nümayəndəliyi var. Sosial media marketinqindən istifadə şirkətə öz brendini gücləndirməyə, satışları artırmağa, istehlakçılarla qarşılıqlı əlaqəni yaxşılaşdırmağa imkan verir ki, onlar da öz növbəsində onlayn rejimdə fərdiləşdirilmiş xidmət alırlar. Eyni zamanda, SMM həm də effektiv əks əlaqə saxlamaq, aktual marketinq məlumatlarını almaq və operativ şəkildə müvafiq qərarlar qəbul etmək imkanı verir. Məqalədə Azərabaycanda rəqəmsal marketinqdə sosial medianin rolunun təkmilləşdirilməsi istiqamətləri bu şəkildə müəyyənləşdirilmişdir: Kiçik zəncirlər reklamı, İnfluencer marketinqinə investisiya, Yeni auditoriyaya çatmaq üçün əsas məqsədin hazırlanması, daha optimallaşdırılmış sosial ticarət, Sosial audionun daha populyarlaşması, ödənişli reklam zərurəti, TikTok-la gənc müştərilərin cəlb edilməsi, brendlərin sosial medianı izləməsi, istifadəçi tərəfindən yaradılan məzmundan (UGC) geniş istifadə, sosial media icmalarının böyüməsi, “Yaradıcı iqtisadiyyat”ın çiçəklənməsi, Artırılmış Reallıq və Virtual Reallıq istiqaməti, video axınında alışları artırmaq, ümumi maraqları olan qruplar yaratmaq. Eyni zamanda sosial mediada tanıtımın məqsədləri iqtisadi və kommunikativ olaraq bölünmüşdür. Bununla yanaşı sosial media marketinqinin fəaliyyətlərinin effektivlik səviyyəsini ölçmək üçün istifadə edilə bilən göstəricilər təklif edilmişdir. Açar sözlər: sosial media marketinqi, rəqəmsal marketinq, effektivlik səviyyəsi, təkmilləşdirmə, reklam