Hezkuntzan soziolinguistika lantzen: zenbait gako eta esperientzia

Ibilbide luzea egin du Ikastolen Elkarteak euskal hiztun aktiboak eta kontzienteak hezteko lanean, eta hala jaso du argitaratu berri duen Ikastolen Hezkuntza Marko Orokor-ean (IHMO). Aipatutako ibilbide horretan ezinbesteko mugarri den Ikastolen Hizkuntz Proiektua liburuan, finkatutako eragin- -eremuak aintzat hartuta (eremu formala, eremu ez-formala eta familia), esparru bakoitzean eragiteko Ikastolen Elkarteak diseinatutako EKI proiektuaren zein Euskaltzaindiarekin elkarlanean proposatutako erronken berri ematen da, eta ikasmaterial horiek erabili dituzten ikastoletako zenbait esperientzia biltzen ditu artikulu honek. Horretaz gain, gaur-gaurkoz oraindik ere behar beste ikertu gabeko eremu ez-formalean eragiteko abian dituen bi egitasmoren berri ere eman nahi zaio irakurleari, bai eta familiak soziolinguistikan eragile izateko bidean eragile aktibo bihurtzeko esperientzia batzuk ere. • Hitz gakoak: Soziolinguistika hezkuntzan, hizkuntza sozializazioa, eremu formala, eremu ez-formala, familia.