ANG PAG-UNAWA SA MGA PAMPUBLIKONG BABALA SA WIKANG FILIPINO: ISANG KWALITATIBO DESKRIPTIBO PAG-AARAL

Ang pangunahing layunin ng pananaliksik na ito ay galugarin ang karanasan ng mga taumbayan sa pag-unawa ng mga pampublikong babala sa wikang Filipino. Gumamit ang pag-aaral ng kwalitatibong disenyo at deskriptibong dulog upang masuri ang mga pananaw at karanasan ng mga kalahok. Isinagawa ito sa Kapalong, Davao del Norte kung saan labing-apat na mamamayan ang naging partisipante. Ang mga datos ay nakalap sa pamamagitan ng in-depth interview at focus group discussion, na nagbigay-daan upang makuha ang malalim na pag-unawa sa kanilang mga karanasan at pananaw. Ang pananaliksik na ito ay naglalayong magbigay ng mahahalagang kaalaman tungkol sa kahalagahan ng wika sa epektibong komunikasyon ng mga pampublikong babala. Ipinakita sa resulta ang positibong karanasan ng mga taumbayan sa paggamit ng pampublikong babala sa wikang Filipino, ngunit may kakulangan sa bilang at kalinawan nito. Ipinakita rin sa resulta na mas nauunawaan at naisasagawa ng publiko ang tamang aksyon kapag ang babala ay isinalin sa wikang Filipino na naging bunga sa pag-iwas ng panganib. Dagdag pa pinahahalagahan ng mga taumbayan ang paggamit ng wikang Filipino sa mga babala bilang bahagi ng pambansang pagkakakilanlan at pagtataguyod ng ligtas na komunidad. Keywords: pampublikong babala, kwalitatibo-deskriptibo, kwalitatibo, taumbayan ng Kapalong, Kapalong Davao del Norte