FLOCCULATION OF SUSPENSIONS BENTONIT CLAY SURFACE –ACTIVE POLYMERS

Мақалада табиғи сорбенттерді практикада пайдалану олардың жоғары сорбциялық сыйымдылығына, әр түрлі агрегаттық күйдегі заттарды сіңіруіне, таңдамалы сорбциясына, жеткілікті механикалық беріктігіне байланысты екенін ескере отырып, олардың суспензиясын тазалау қарастырылады. Табиғи сорбенттерді пайдаланудың тиімділігіне сорбенттердің арзандығы мен жергілікті материал ретінде оңай табылуы маңызды факторлардың бірі болып саналады. Шығыс Қазақстан облысы Таған кен орнының монтмориллонитті бентониттері, құрамының мономинералдылығымен ерекшеленеді, алмасу кешенінде натрий катиондарының мөлшері кальций мен магний катиондарының құрамынан жоғары, бірақ олардың қосындысынан төмен. Су және топырақты тазалауда Таған бентонитін қолдану арқылы жоғары нәтижелер алуға болады. Суда бентониттер ісінеді немесе ұсақ бөлшектерге бөлінеді. Сондықтан, бентонитті саз супензиясына беттік белсенді полимерлердің әсері зерттелінді. Суспензияларды тазартуда коагулянттармен бірге флокулянттар қолдану арқылы жоғары нәтижеге қол жеткізіледі. Ең тиімді флокуляциялық агенттер-жоғары молекулалық салмағы бар полиэлектролиттер. Флокулянттарды қолдану коагулянттардың дозасын азайтуға, коагуляция процесінің ұзақтығын азайтуға және пайда болған ұлпалардың тұндыру жылдамдығын арттыруға мүмкіндік береді. Екі жағдайда да дисперсті жүйенің тұндыру сипаттамаларын жақсартып қана қоймай, қымбат реагенттерді тұтынуды азайтуға болады. Сонымен, алынған мәліметтерді талдау нәтижесіне дисперсті жүйелерді беттік белсенді полимерлермен флокуляциялау кезінде көпір түзілу механизмінің маңызды рөлін көрсетеді.