ТІЛДІ МЕҢГЕРТУДЕ ЖАТТЫҒУ ЖҰМЫСТАРЫНЫҢ МАҢЫЗЫ

"Берілген мақалада білім алушылардың тілдік құзыреттілігін қалыптастыру үшін, сабақ барысында жаттығу жұмысын орындату негізгі тапсырмалар жүйесі болып табылатыны қарастырылған. Жаттығу жұмысы жазылым әрекетінің бір түрі. Жазылым – ойыңды басқа біреуге түсінікті болу үшін, қағаз бетінде сауатты жеткізе білу дегенді білдіреді. Яғни жазған ойды, мәліметті, ақпаратты, мәтінді орфографиялық нормада сақтай білу. Сөздерді, сөз тіркестерін, сөйлемдерді өзара дұрыс байланыстыра алып, өз ойын анық жазбаша жаза білуге машықтану. Осы бағытта жаттығу жұмысы тілді меңгеруде қажет үдеріс, алған теориялық білімдерін бекітеді. Сұраққа дұрыс жауап беріп, тілдік қарым-қатынасқа еркін түсуге көмектеседі. Мақалада ғалымдардың жаттығу түрлеріне қатысты айтылған теориялық тұжырымдары, жаттығу жұмысында ескерілетін дидактикалық талаптары аталды. Жаттығу жұмысында жеке, жұптық, топтық, сұхбат, жағдаяттық түрлерімен беруге болатынына зер салынды. Мамандыққа қатысты жаттығу жұмыстарының түрлері ұсынылып, болашақ маман иесінің сыни ойлауына, тілдік құзіреттілігін арттыруына ықпал ететіні көрсетілген. Білім алушының мәдени сөйлеуіне, іскерлік қарым-қатынаста сөйлеу әдебін сақтай білуіне де әсері зор екені аталады. "