Hapja

Të dashur miq, Më lejoni t’ju uroj mirëseardhjen, me mirënjohjen time më të thellë, tek konferenca e parë e organizuar nga revista akademike continent. dhe “Departamenti i shqiponjave,” e titulluar “Pedagogjitë e shkatërrimit.” Shpresoj të më lejoni dy fjalë para se t’ia kaloj mikrofonin Kristofer Finskut, që ka për ta çelur këtë konferencë.Kur nënshkrova kontratën me soros-in, një nga sponsorët kryesorë të kësaj konfe-rence, nënshkrova me kushtin se kjo konferencë nuk do të angazhohej në atë që quhet “lobim.” Lobimi, sipas përkufizimit që më paraqitën, nënkupton “përpjekje të caktuara për të ndikuar mbi legjislacionin.” Pa dashur t’i futem një leximi të imët çndërtues mbi atë që do të nënkuptonin këto “përpjekje të caktuara” në kontekstin e një konference kushtuar mendimit të fatit të praktikave pedagogjike tek humanitetet dhe veçanërisht tek filozofia, do të doja të ndaja një vëzhgim të shkurtër me ju.