Cyfraith a Threfn yn Abertawe 1891-1920: Astudiaeth gymdeithasegol

Prif nod yr ymchwil hwn yw defnyddio cofnodion cyfreithiol Llys Chwarter Bwrdeistref Abertawe, a chofnodion cysylltiedig, er mwyn rhoi darlun o natur droseddol a chymdeithasol Abertawe rhwng 1891 ac 1920 a dod â’r darlun hwnnw’n fyw. Gwneir hyn drwy ddadansoddi’r wybodaeth a geir yng nghofnodion y llys am nifer y troseddau a gyflawnwyd, y mathau o droseddau a gyflawnwyd, ymateb y gyfundrefn gyfreithiol i’r troseddau, a phroffil y troseddwyr a’r dioddefwyr. Bydd hyn yn rhoi darlun i ni o gymdeithas y cyfnod ac effeithiau’r newidiadau diwydiannol, cymdeithasol, demograffig a diwylliannol a welwyd rhwng 1891 ac 1920 ar gymdeithas Abertawe. Gan nad yw’r ffynonellau craidd a ddefnyddir yn yr ymchwil hwn wedi cael eu defnyddio i gynnal astudiaeth o’r natur hon o’r blaen, bydd yr ymchwil hefyd yn rhoi llais i’r di-lais yng nghymdeithas y cyfnod.