Halldór Ólafsson (1937--2023), minningarorð (in memoriam)

Halldór Ólafsson, heiðursfélagi í Jöklarannsóknafélaginu, lést 20. september 2023 eftir langa ævi sem tengdist sögu jöklarannsókna og raunar jarðvísindarannsókna á Íslandi á margan hátt. Hann var rennismiður að mennt, lauk námi frá Iðnskólanum í Reykjavík 1959. Starfaði síðan hjá Olíuverslun Íslands, bæði á verkstæði og við að setja upp olíudælur og leggja olíuleiðslur vítt og breitt um landið. Það var gæfa eldfjallarannsókna þegar hann var ráðinn sem tæknimaður á hinni nýstofnuðu Norrænu eldfjallastöð 1973. ...