Tema û Hêmanên Felsefî di “Ey Av û Av”a Feqiyê Teyran de

Ev nivîsar derbarê tema û hizrên felsefî yên di helbesta Ey av û avê de ye. Helbesta Ey av û avê bi naveroka xwe ya felsefî ji helbestên din yên Feqiyê Teyran vediqete. Di helbestê de “av” bi însên ve hatiye wesfandin û di navbera av û Feqî de diyalogên felsefî derbas dibin. Felsefeya hebûnê ji demen kevnar ve bûye mijarên hizr û ramînê. Feqiyê Teyran jî bi siruşta sofigeriyê di çarçoveya hikemî de di helbesta xwe de li ser zimanê hebûnê felsefe kiriye û bi pirs û bersivan li ser van mijaran fikiriye. Bi çavkaniya Qur’anê hikmeta eşyayan, zimanê hebûnê vekolaye. Li gorî hizra Feqiyê Teyran, Xwedê Vacibu‘l Vicûd e, bi qudreta xwe ji tunebûnê çar bakir (av, ax, ba, agir) afirandiye û bi çar tebî‘etan (germ, sar, hişk, nerm) wech kiriye. Xwedê ji ‘işqa însên bi ‘ilma xwe ji van çar madeyan ‘alem afirandiye. Armanca însên ku me‘rîfet e lewma divê bifikire û di hikmeta Xwedê de têbigihe.