Shqipëria dhe Turqia, 1912-1939: Nga ndarja drejt miqësisë

Studiuesja Ilrijana Kaceli - Demirlika, autorja e artikujve të shumtë me karakter studimor në revista shkencore, pjesëmarrëse dhe kontribuuese në veprimtari të shumta dhe të larmishme shkencore, arsimore, politike dhe socio-kulturore, në tubime, tryeza dhe konferenca shkencore, tani ka publikuar monografinë e titulluar: “Shqipëria dhe Turqia, 1912-1939: Nga ndarja drejt miqësisë”, në të cilin ka bërë përpjekje maksimale për ta realizuar një vepër të veçantë historike, për një periudhë të rëndësishme, siç ishte ajo e midis dy luftërave botërore. Në fokus të librit janë marrëdhëniet historike të shqiptarëve me Turqinë, të cilat janë zhvilluar pandërprerë, komplekse dhe kanë pasur dritëhijet e veta.