“Dədə Qorqud kitabı” dastanında feilin göstərici əhvali-ruhiyyəsi

Dil tariximizin digər mənbələrində olduğu kimi, “Kitabi Dədə Qorqud” dastanında da subyektin gerçəkliyə münasibətini ifadə edən feilin bütün şəkillərinə rast gəlirik. Məhz dastana söykənib müasir qrammatikamızın köklərini izah etmək mümkündür. Bu məqalədə feilin xəbər kateqoriya­sının tarixi köklərini açmağa, onun ədəbi dilimizdəki və dialektlərimizdə izlərini araşdırmağa çalışdıq. Dastan boyunca feillərin zaman, şəxs və kəmiyyət şəkilçiləri qəbul edərək təsrifləndiyini, müasir ədəbi dilimizlə oxşar və fərqli məqamlarını müşahidə etdik.