Hepatosellülyar Karsinoma üzrə Milli Bazanın MICE Metodu Əsasında Təkmilləşdirilməsi ilə Proqnozlaşdırma Məsələsinin Həlli

Məqalədə hepatosellülyar karsinoma (HSK) üzrə milli verilənlər bazasındakı boşluqların doldurulması və maşın təlimi alqoritmləri əsasında proqnozlaşdırma məsələsinin həlli təklif edilmişdir. Proqnozlaşdırma məsələlərinin maşın təlimi alqoritmləri ilə həlli bazanın təkmilləşdirilməsini və mövcud boşluqların doldurulmasını tələb edir. Tədqiqatda MICE metodu əsasında HSK üzrə milli bazadakı boşluqların doldurulması mərhələləri təqdim edilmişdir. Milli bazadakı məlumatlar əsasında kliniki xəstələrin vəziyyəti ilə bağlı proqnoz nəticələrin alınması üçün onun hissə-hissə Kaggle platformasından götürülmüş, proqnoz nəticələri (“ölüm-0” və ya “sağqalma-1”) məlum olan HCC datasetinə birləşdirilməsi və genişləndirilmiş bazada Random Forest və XGBClassification maşın təlimi alqoritmlərinin tətbiqi verilmişdir.