Mismunagreining sjúkdóma í munnslímhúð

Rétt greining er forsenda viðeigandi meðferðar sjúkdóma í munnslímhúð. Sjúkdómar í munnslímhúð eru þó það sjaldgæfir að almennir tannlæknar sinna þeim ekki með reglubundnum hætti í starfi sínu. Því getur verið erfitt að greina slíka sjúkdóma. Tilgangur þessarar greinar er að kynna tannlæknum leiðir til að greina milli mismunandi meinsemda með svipuð klínísk einkenni, þ.e. meinsemdir með sárum eða blöðrum, litabreytingar, þ.m.t. hvítar, rauðar og litaðar meinsemdir og meinsemdir með ofvexti. Ekki er unnt að lýsa hér öllum sjúkdómum í munnslímhúð heldur eingöngu nokkrum þeirra sem skipta mestu máli í daglegu starfi. Lykilorð: munnur, munnslímhúð, lyflækningar munns, mismunagreiningar.