Algengar meinsemdir í munnslímhúð

Í þessari grein verður farið yfir þá slímhúðarsjúkdóma í munni sem almennir tannlæknar sinna oftast í starfi sínu (1-3). Fyrir almenna tannlækna getur verið krefjandi að setja fram rétta sjúkdómsgreiningu. Því er meginmarkmið þessarar greinar að lýsa klínískum og vefjameinafræðilegum einkennum þessara sjúkdóma ásamt öðrum einkennum eftir því sem við á. Þegar rétt greining hefur verið staðfest geta tannlæknar oft nálgast upplýsingar um rétta meðferð úr ólíkum áttum. Þessa grein skal lesa með hliðsjón af greinum Altækir sjúkdómar og birtingarmynd þeirra í munni, hluti 1og 2 í þessu í þessu tölublaði þar sem finna má mikilvægar mismunagreiningar þeirra meinsemda sem hér er lýst. Lykilorð: greining, munnsjúkdómur, einkenni í munni, munnslímhúð, lyflækningar munns, meinafræði munns