Anketa studimore mbi emergjencat mjekësore në praktikën stomatologjike – sondazh i stomatologëve kosovarë

Gjatë praktikës stomatologjike, stomatologët mund të ballafaqohen edhe me emergjenca mjekësore të natyrave të ndryshme. Mungesa e të dhënave mbi prevalencën e emergjencave mjekësore në vendin tonë, ka inkurajuar Odën Stomatologjike të Kosovës që të realizojë anketën studimore nga stomatologët/anëtarët e OSK-së, për të mbledhur informacione lidhur me përvojën e tyre dhe ballafaqimin me këto emergjenca. Nga 549 pyetësorët e plotësuar, emergjencat më të shpeshta ishin: sinkopa vazovagale (60.1%), hipertensioni arterial (37.3%), hipo- tensioni ortostatik (30.2%), ndërsa ato më të rralla dhe më të lehta ishin: reaksionet e lehta alergjike (21.4%). Pasqyra e fituar nga kjo anketë studimore, ndihmon në planifikimin e trajnimeve të stomatologëve për menaxhimin e rasteve emergjente gjatë praktikës së tyre, si dhe përmirësimin e kushteve të punës në ordinancat stomatologjike.