Bosnja e Hercegovina – njё tokё plot mistere

Ky artikull përpiqet të hedhë një vështrim panoramik mbi gjeografinë, historinë dhe kulturën e Bosnje-Hercegovinës, që nga koha e dyndjeve sllave 12 shekuj më parë e deri në ditët e sotme. Në pjesën e parë të artikullit përmenden momentet kryesore të zhvillimeve historike në ato treva, veçoritë etnike dhe fetare të popullsisë boshnjake dhe luftërat me të cilat u përball përgjatë kësaj kohe. Ashtu siç trajtohen përmbledhtazi zhvillimi i letërsisë e i kulturës boshnjake dhe figurat e saj kryesore. Në pjesën e dytë artikulli paraqet historinë e lidhjeve mes popullit boshnjak dhe popullit shqiptar, duke nisur nga përzierja e popullsisë sllave bogomile me popullsinë autoktone ilire të atyre viseve. Më pas përshkruhet historia e formimit të komunitetit boshnjak në Shqipëri, arsyet e shpërnguljes së tij nga trojet e veta drejt tokave shqiptare, periudhat e kësaj shpërnguljeje, marrëdhëniet me vendasit dhe kontributin e tyre si pjesë e shoqërisë shqiptare. Një kapitull i veçantë u kushtohet figurave boshnjake të mendimit politik e filozofik, me theks të veçantë te personaliteti i Alija Izebegoviçit, si filozof, burrë shteti dhe mendimtar islam.