Manoel Leiras Pulpeiro: vida e obra: escolma de textos

Manuel Leiras Pulpeiro, no eido das letras galegas, é, non soamente un poeta ilustre, senón tamén un buscador e un catador incansábel de todo xiro idiomático das xentes que, desde as terras de Abadín ata a Costa luguesa, viven nas faldras de outas montañas, nas ribeiras dos ríos, nos vales e nas beiras do Cantábrico. Xentes que adoitan un xeito de expresión de clara orixinalidade, inda que nalgunhas locucións sexa doado rastrear a influencia do bable pola proximidade de Asturias.