SUN’IY INTELLEKT ASOSIDA TA’LLIM SIFATINI MONITORING QILISH MEXANIZMLARINI TAKOMILLASHTIRISH

Ushbu maqolada sun’iy intellekt texnologiyalaridan foydalanib ta’lim sifatini monitoring qilish mexanizmlarini takomillashtirishning nazariy, amaliy va innovatsion jihatlari tahlil qilingan. Tadqiqotda mavjud monitoring tizimlarining cheklovlari - subyektiv baholash, real vaqt ma’lumotlarining yetishmasligi, o‘quvchilarning individual rivojlanishidagi farqlarni aniqlash qiyinligi hamda katta hajmdagi ta’lim ma’lumotlarini qayta ishlashning murakkabligi ilmiy asosda asoslab berilgan. Sun’iy intellektga asoslangan avtomatlashtirilgan baholash tizimlari, real vaqt learning analytics platformalari, prediktiv tahlil va adaptiv ta’lim texnologiyalari ta’lim sifatini oshirishda innovatsion yechim sifatida ko‘rib chiqilgan. Tadqiqot natijasida sun’iy intellekt asosida ta’lim sifatini monitoring qilishning innovatsion konseptual modeli ishlab chiqildi. Mazkur model ma’lumotlarni yig‘ish, qayta ishlash, tahlil qilish, baholash, vizualizatsiya va boshqaruv qarorlarini qo‘llab-quvvatlash jarayonlarini integratsiyalashgan innovatsion tizim sifatida birlashtiradi. Taklif etilgan yechim ta’lim jarayonining shaffofligi, aniqligi va samaradorligini oshiruvchi zamonaviy innovatsion mexanizmlar qatoriga kiradi.