İDMAN MƏTNLƏRİNDƏ KAUZATİVLİK

İngilis dilində kauzativlər tamamlıq feili sifət və məsdər tərkiblərində işlənib. Azərbaycan dilində feilin icbar növünə bənzəyir. Belə konstruksiyalarda iş görən naməlumdur, hərəkət başqası tərəfindən icra olunur. Kauzativlik bildirən cümlələrdə mübtəda hərəkətin icraçısı kimi deyil, onun təşəbbüskarı kimi özünü göstərir. Onlar təhrik nəticəsində baş verən səbəbi də bildirir. Kauzativ feillər eyni vaxt ərzində iki fərqli sintaktik funksiya icra edirlər, bir tərəfdən onlar obyektlə subyekt arasında əlaqə yaradır, digər tərəfdənsə, təsir etdiyi predmetin keyfiyyətini, formasını dəyişirlər. Məqalədə idman sahəsinə dair leksikadan istifadə edilərək kauzativlik tədqiq olunur.