Haur elebidunak eta gramatika-sistemen bereizketa

Ikerlan honen helburua euskara eta gaztelania ikasten diharduen haur elebidun batek izen-sintagmaren egituraz jabetzeko jarraitzen duen garapena arakatzea da. Gogoan izanik euskararen eta gaztelaniaren izen-sintagmen egiturak arras ezberdinak direla, haur elebidunen jabekuntza-garapenean gerta litezkeen gramatika-kodeen bereizketa eta bateraketa-fenomeno eztabaidatuak aztertzea nahi ditut. Hipotesia gramatika-sistemen goizetiko bereizketa da, hots, haurrak ezaugarri morfologikoak eta sintaktikoak erabiltzen hasten diren unetik kodeen bereizketa ere egiten dutela. Hipotesi hau baiesteko asmoz euskara eta gaztelania ikasten diharduen haur elebidun batek 18 hilabete dituenetik 42 hilabete dituen arteko ekoizpen bideograbatua arakatuko dut. Datuok eta jabekuntzagarapena haur euskaldun eta gaztelaniadun elebakarrek ekoitziriko datuekin eta jabekuntza-garapenekin erkatuko ditut.