ЭТИКАЛЫҚ КОМИТЕТТІҢ МЕДИЦИНАДАҒЫ РӨЛІ

Көптеген денсаулық сақтау мекемелері мен білім беру мекемелерінде этикалық комитеттер құрылуда. Бұл ұйымдардың басшыларына осы жаңа құрылымдық бөлімшенің құрылуына не себеп болды? Медицина ғылымы қазіргі әлемдегі ең дамып келе жатқан ғылымдардың бірі болып табылады. Жыл сайын жаңа дәрі-дәрмектер, ауруларды анықтау жолдары, емдеу әдістері ашылады. Медициналық технология саласындағы зерттеулер халықаралық консенсус құжаттарына сәйкес жүргізіледі, өйткені медицинаның негізгі ережесі «зиян келтірмеу» болып табылады. Жаһандық үрдістерге сәйкес денсаулық сақтау ұйымдарында биомедициналық зерттеулердің жүзеге асырылуын бақылау үшін тәуелсіз этика комитеттері құрылуда. Этикалық комитеттер жүргізіліп жатқан зерттеулерге тиісті сараптама жүргізеді, сондайақ күрделі жанжалды жағдайларда бақылау функциясын орындайды және ұсыныстар жасайды.