KO’RISH QOBILIYATI SUST BO’LGAN O’QUVCHILARDA KO’RUV ANALIZATORINING FAOLIYATINI RIVOJLANTIRISH VA YAXSHILASHDA SPORT HAMDA KO’Z KORREKSION MASHQLARIDAN FOYDALANISH TEXNOLOGIYASI

XXI asrda o‘smirlar va maktab o‘quvchilari salomatligi jiddiy xavotir uyg‘otmoqda. Ayniqsa, ko‘rish bilan bog‘liq muammolar yoshlar orasida tobora ko‘payib bormoqda. Ilmiy tadqiqotlar shuni ko‘rsatadiki, maktab o‘quvchilarida ko‘rish nuqsonlari jahonning turli mamlakatlarida keng tarqalgan.Masalan, Armanistonda 6–15 yoshli bolalarning 10 foizi, Efiopiyada esa 8,8 foizi turli ko‘rish muammolariga duch kelmoqda. Qozog‘istonda, ayniqsa Olma-ota shahrida, o‘quvchilarning 18–25 foizi ko‘rish nuqsonlari bilan yashamoqda. Bu raqamlar masalaning qay darajada jiddiy ekanligini ko‘rsatadi. Inson atrof-muhitdan oladigan ma’lumotning qariyb 90 foizi aynan ko‘rish orqali qabul qilinadi.Shuning uchun ham maktab yoshidagi bolalarda ko‘rish salomatligini asrash va rivojlantirish masalasi juda dolzarb hisoblanadi. Turli yondashuvlarda jiddiy qarama-qarshiliklarning mavjudligi, shuningdek, zamonaviy fan tomonidan hali yetarlicha o‘rganilmagan masalalarning keng doirasi bu mavzuning dolzarbligidan dalolat beradi. Bu muammo maktab yoshidagi o’quvchi yoshlarning ta’lim jarayonidagi amaliy faoliyatida ayniqsa muhim va ahamiyatli ekanligini ko‘rsatadi