ສຶກສາປັດໄຈທີ່ມີອິດທິພົນຕໍ່ຜົນສຳເລັດການສຶກສາ ຂອງນັກສຶກສາວິທະຍາໄລເຕັກ ນິກ-ວິຊາຊີບ ແຂວງຄໍາມ່ວນ ດ້ວຍ Machine Learning

      ການພັດທະນາເສດຖະກິດ-ສັງຄົມກໍ່ຄືການພັດທະນາການສຶກສາໂດຍສະເພາະອາຊີວະສຶກສາ, ເຕັກນິກ ວິຊາຊີບ ແລະ ການຝຶກອົບຮົບວິຊາຊີບແມ່ນມີຄວາມຈຳເປັນ ແລະ ຮີບດ່ວນເພື່ອໃຫ້ນັກສຶກສາມີຄວາມຮູ້, ຄວາມສາ ມາດ, ຄວາມຊຳນານງານ ແລະ ວິໃນແຮງງານ. ວິທະ ຍາໄລເຕັກນິກ-ວິຊາຊີບ ແຂວງຄຳມ່ວນ ເປັນສະຖານສຶກສາແຫ່ງໜຶ່ງທີ່ຂື້ນກັບກົມອາຊີວະສຶກສາ, ກະຊວງສຶກສາທິການ ແລະ ກິລາຊື່ງປະກອບ ໄປດ້ວຍຫຼາຍ ສາຂາຮຽນ, ໃນນັ້ນມີນັກສຶກສາຈຳນວນ 5% ທີ່ບໍ່ສາມາດສຳເລັດການສຶກສາໄດ້ສົມບູນຕາມຫຼັກສູດທີ່ວາງໄວ້. ສາຍເຫດກໍ່ຍ້ອນຫຼາຍປັດໄຈຫຼາຍຢ່າງເຊັ່ນ: ທີ່ມາ ແລະ ຄວາມຮູ້ພື້ນຖານຂອງນັກຮຽນ, ສະຖານະພາບທາງດ້ານການເງິນຂອງຜູ້ປົກຄອງ ແລະ ບັນຫາສຸຂະພາບເປັນຕົ້ນ. ບົດຄົ້ນຄວ້ານີ້ໄດ້ສຶກສາປັດໄຈທີ່ມີອິດທິພົນ ຕໍ່ຜົນສຳເລັດການຮຽນຂອງນັກສຶກສາວິທະຍາໄລເຕັກນິກ - ວິຊາຊີບ ແຂວງຄຳມ່ວນ ດ້ວຍເຕັກນິກການຮຽນຮູ້ ຂອງຄອມພິວເຕີ, ຊື່ງໄດ້ເກັບຮວບຮວມຊຸດຂໍ້ມູນຂອງນັກສຶກສາເຊັ່ນ: ຂໍ້ມູນພື້ນຖານ,    ຂໍ້ມູນການສຶກສາ ແລະ ຂໍ້ມູນຄວາມຄິດເຫັນທົ່ວໄປ, ເພື່ອມາປະມວນຜົນດ້ວຍເຕັກນິກ Linear Regression ບົນພື້ນຖານການຮຽນຮູ້ ຂອງຄອມ ພິວເຕີ. ຈາກຜົນການສຶກສາເຫັນວ່າມີຜູ້ຕອບແບບສອບຖາມ 797 ຄົນໃນນັ້ນມີເພດຍິງ 428 ຄົນ ກວມເອົາ 53.7% ແລະ ເພດຊາຍ 369 ຄົນກວມເອົາ 46.3%. ມີຜູ້ປົກຄອງ ທີ່ມີລາຍຮັບຕໍ່າກວ່າ  2,000,000 ກີບຈຳນວນ 641 ກວມເອົາ 80.4%, ກົງກັນຂ້າມຜູ້ປົກຄອງທີ່ມີລາຍຮັບ 6,000,000 ກີບຂຶ້ນໄປມີພຽງ 24 ຄົນກວມເອົາ 3.0%. ຈາກຂໍ້ສົມມຸດຖານສາມາດສະຫຼຸບວ່າໝູ່ເພື່ອນແມ່ນປັດໄຈຫຼັກໜື່ງທີີ່ສໍາຄັນ ແລະ ມີຜົນກະທົບທາງບວກ ຕໍ່ຜົນສຳເລັດການສຶກສາຂອງນັກສຶກສາ ດ້ວຍຄ່າສຳປະສິດຄວາມສຳພັນເທົ່າ 0.84 ຖືວ່າເປັນລະດັບຄວາມສຳພັນສູງ.