Cantigueiro popular

Rendéndolle a Valladares a homenaxe debida e prestándolle á par un importante servizo á cultura do país, estimou a corporación que deberá saír do inédito a colectánea das devanditas cantigas para engadila ás xa existentes recollidas ao longo da xeografía afectiva e sentimental de Galicia. E no intento, ademais, de encher e completar o ámbito poético coñecido dun pobo que traballa e que canta, que canta traballando e que, cantando, traballa. Chegouse así á edición do presente cancioneiro. Edición realizada co gallo do Día das Letras Galegas de 1970.