Modifikimi i rritjes së nofullave me aparate ortodontike

Një përmbledhje e njohurive të sotme për modifikimin e rritjes së nofullave tregon se: 1. Zgjerimi transversal i maksilës është i lehtë përpara adoleshencës, kërkon forca të mëdha gjatë adoleshencës dhe mund të realizohet vetëm me osteotomi kirurgjikale pas adoleshencës. 2. Përshpejtimi i rritjes mandibulare mund të realizohet përpara ose gjatë adoleshencës, por i ndjekur nga një ngadalësim pas trajtimit, që anulon rritjen në përmasa të mandibulës. Kufizimi i rritjes maksilare realizohet me çdo aparat që korrigjon klasat II skeletike. 3. Përpjekjet për kufizimin e rritjes mandibulare në klasat III me forca ekstraorale, rezultojnë kryesisht në një rotacion postero-inferior të mandibulës. Lëvizja përpara e maksilës me forca ekstraorale është e mundur përpara adoleshencës; lëvizja e saj përpara, dhe njëkohësisht kufizimi rritjes përpara i mandibulës, është i mundur në adoleshencë më anë të llastikëve intraoralë të ankoruar direkt në kockë. 4. Për pacientët me fytyrë të shkurtër është i mundur trajtimi për rritjen e lartësisë faciale përpara dhe gjatë adoleshencës. Në pacientët me fytyrë të gjatë, kufizimi i rritjes vertikale gjatë adoleshencës rrallëherë është i suksesshëm