Tibbi İnformasiya Sistemində Süni İntellektin Rolu

Azərbaycan Respublikasında “Elektron hökumət”in formalaşmasını təmin etmək məqsədilə səhiyyənin rəqəmsallaşdırılması xüsusi önəm daşıyır. Vahid tibbi informasiya sistemninin realizə edilməsi, tibbi müəssisələrin və apteklərin pasiyentlərə xidmət göstərməsində məlumat idarəetməsini və infrastrukturunu təkmilləşdirir. Tibbi informasiya sistemində bir çox modullar həm avtonom, həm də müştərək formada işləyir. Tibbi informasiya sisteminin aktual modullarından biri poliklinika informasiya sistemidir. Bundan əlavə Azərbaycan Səhiyyə Nazirliyinin İctimai Səhiyyə və İslahatlar Mərkəzi tərəfindən bir sıra mobil tətbiqlər hazırlanmışdır ki, bunlardan da biri “Elektron resept”dir. Mobil tətbiqlər vasitəsilə bulud texnologiyasından, çat-bot texnologiyasından istifadə daha səmərəli imkanlar yaradır. Bunlar verilənlərin əldə olunması, biliklər bazalarının effektivliyinin artırılması və s.-dir