Wòl vodou nan aplikasyon pedagoji rejeneratè ak reparatè

Nan fason yo panse ak nan fason yo aji, vodouizan yo montre vodou se yon relijyon ki pi toleran pase lòt relijyon ki pa janm sispann pèsekite l’ yo. Nan yon monn kote okipasyon mono-ontolojik se youn nan bagay ki koz lèzòm separe tèt yo ak lanati, vodou kapab jwe yon wòl pi enpòtan nan rejenerasyon ak nan reparasyon moun ak anviwònman natirèl yo, sa vle di nan pwosesis rekoneksyon antwopo-ekolojik, si nou wè l’ yon lòt fa­son. Vodou se yon sistèm relijye, medikal ak majik ki chita sou anpil valè tankou konsyans ekolojik ak konsyans mondyal, ontoloji relasyonèl, tolerans ontolojik ak tolerans epistemik. Kwayans, rit, mit, senbòl ak reprezan­tasyon kosmogonik vodou pèmèt relijyon sa a patisipe nan rejenerasyon ak nan reparasyon sante byodivèsite a ak sante planèt la.