J.R.R.TOLKIN ASARIDAGI “UMID” KONSEPTI HAQIDA

Maqolada J.R.R. Tolkining asarlarida umidning o‘rni, uning katolik falsafasi bilan bog‘lanishi, hamda bu tushunchaning fantastik asarlarda qanday namoyon bo‘lishi tahlil qilingan. Tolkinning «The Silmarillion» asarida umid, Valarlarning yaratilishi va Eä olamidagi roli orqali tasvirlangan, bu orqali yaratilish jarayonidagi umidning ma'naviy va ontologik ahamiyati taqdim etiladi. Tolkining o‘rta asrlar falsafasi va katolik teologiyasidan ilhomlanganligi, uning asarlaridagi konseptual o‘zgarishlar va umid tushunchasining faollashuvi fantastik olamda ko‘rsatilgan voqealar va xarakterlar orqali chuqurroq o‘rganiladi. Bu yondashuv o‘rta asrlar tafakkuriga, xususan, Foma Akvinskiyning qarashlariga va uning umidni tushunishga bo‘lgan yondashuviga yangi bir tafakkur nuqtai nazaridan yondashishga imkon beradi. Tolkining badiiy tasavvurlari va falsafiy konseptlari orqali umidning rolini tushunish, nafaqat diniy, balki insoniy hissiyotlar va motivatsiyalar nuqtai nazaridan ham yanada boyib boradi. Bu kabi tahlillar orqali o‘rta asrlar tafakkurini zamonaviy fantastik asarlar bilan bog‘lash va umid tushunchasini yanada chuqurroq anglash mumkin