ده‌لاله‌تا ره‌نگان د دیوان(ئازراندنا به‌نده‌مانێ)یا هۆزانڤان(هزرڤان عه‌بدولا)یدا

ئه‌ڤه‌ ڤه‌كۆلینه‌ هه‌ولدانه‌كه‌ ژ بۆ دیاركرنا ئه‌وێ ده‌لاله‌تێ یاكو هۆزانڤان دناڤ تێكستێ خوه‌یێ هۆزانێدا به‌رجه‌سته‌دكه‌ت.هه‌لبه‌ت ئه‌ڤ چه‌نده‌ دێ بیته‌ ئه‌گه‌ره‌ك كو ئه‌م زێده‌تر د هۆزانێ بگه‌هین و دیسان زێده‌تر ئه‌م لسه‌ر شێوازێ دارشتنا هونه‌ریا هۆزانڤانێ زالبین. ئه‌ڤ ڤه‌كۆلینا لژیرَ ناڤونیشانێ(ده‌لاله‌تا ره‌نگان د دیوان(ئازراندنا به‌نده‌مانێ)یا هۆزانڤان(هزرڤان عه‌بدولا) یدا)هاتیه‌ ئه‌نجامدان ژ دوو پشكان پێكدهێت.پشكا ئێكێ ژ بۆ ته‌وه‌رێ تیۆریێ ڤه‌كۆلینێ هاتیه‌ ته‌رخانكرن و باگراوه‌نده‌كێ تیۆرى لدۆر زاراڤ و تیگه‌ه و پێكهاتا ره‌نگان هاتیه‌ نیشاندان.پشكا دووێ ژ بۆ ته‌وه‌رێ پڕاكتیكیێ ڤه‌كۆلینێ هاتیه‌ ته‌رخانكرن و بڕه‌نگه‌كێ پڕاكتیكى ده‌لاله‌تا ره‌نگان دناڤ تێكستێ هۆزاناندا هاتیه‌ شلۆڤه‌كرن و بۆ مه‌دیار بۆ كو بتنێ ئه‌ڤ هه‌شت ره‌نگه‌ دناڤ دیوانا ناڤبریدا هاتینه‌ ره‌نگڤه‌دان(ره‌ش،سپى،سۆر،كه‌سك،زه‌ر، پیڤازى،مۆر،بنه‌فشى).هه‌روه‌سا بۆ مه‌ دیار بوو كو هۆزانڤانى بڕێكا ده‌لاله‌تا ئه‌ڤان ره‌نگان ده‌ربڕین ژ بابه‌تێن هۆزانا خوه‌ كریه‌ وه‌كو(خه‌م و نه‌خۆشى و هیڤى ز حه‌زێن ڤه‌شارتى).