Transatlantik əlaqələr

Transatlantik əlaqələr Atlantik okeanının hər iki tərəfində yerləşən ölkələr arasında tarixi, mə­dəni, siyasi, iqtisadi və sosial əlaqələrdir. Bəzən bu termin xüsusi olaraq Şimali Amerika ölkələri (ABŞ və Kanada) və konkret Avropa ölkələri və ya təşkilatları arasındakı münasibətlərə aiddir, bax­mayaraq ki, başqa mənalar da mümkündür. Birləşmiş Ştatlar və Avropanın fikir ayrılığına düşdüyü bir sıra məsələlər var. Bu fərqlərin bəziləri ABŞ-də ölüm hökmünün tətbiqi kimi mədəni, digərləri isə ABŞ-nin İsrail, Avropanın isə ərəb tərəfdarı kimi göründüyü Yaxın Şərq sülh prosesi kimi beynəlxalq xarakter daşıyır. ABŞ-nin hazırkı siyasəti çox vaxt birtərəfli olur, halbuki Avropa və Kanadada problemlərin həllinə kömək etmək üçün Birləşmiş Millətlər Təşkilatına və digər beynəlxalq qurumlara daha çox arxalanan daha çoxtərəfli yanaşmanın qəbul edildiyi tez-tez deyilir, lakin bir çox başqa məsələlər də var. “Azərbaycan Respublikası Xəzər-Qafqaz regionunda regional əməkdaşlıqda mühüm, bir çox hallarda həlledici dövlətdir”. Şərq və Qərb dünyasının coğrafi qovşağında yerləşərək, beynəlxalq əməkdaşlığını həm regional, həm də qeyri-regional ölkələrlə qurur. Bu baxımdan Azərbaycanın mən­sub olduğu regionun konfiqurasiyası Xəzər-Qafqaz regionu və Rusiya, Türkiyə və İran kimi regional əməkdaşlıq ölkələrinə əsaslanır.