“SLOU FUD” HƏRƏKATININ QASTRONOMİK TURİZMDƏ ROLU

Urbanizasiyanın nəticəsi olan “Fast food” trendinin qloballaşması insan orqanizminə zərərli maddələrin daxil olmasıyla yanaşı, sağlam qidalara və milli təamlara olan tələbatı da azaltmışdır. Mədəniyyətin bir parçası olan kulinariyada istifadə olunan bəzi inqredientlərə və milli təamlara marağın azalması onların “qırmızı kitab”a düşməsinə səbəb olmuşdur. Bu qidalar halbuki, bir etnik cəmiyyətin, bir millətin tarixini, ənənələrini özündə əks etdirir. “Slou Fud” bu təamları, onları hazırlayan aşpazları, həmin məkanları araşdıraraq dünyaya təbliğ edir və qastronomik turizm üçün ideal məhsula çevrilir. Məqalədə bu nüanslar araşdırılmış, ölkəmizdə də Slou fud təamları və destinasiyalarından bəhs olunmuşdur.