O‘ZBEKISTONDAGI HOZIRGI INFLYATSIYA DARAJASINI YAXSHILASH

  Annotatsiya.  Ushbu maqola O‘zbekistonda inflyatsiya darajasini tahlil qilib, uning kamayishiga erishish yo‘llarini o‘rganadi. 2025-yil noyabr holatiga ko‘ra, O‘zbekistonda yillik inflyatsiya darajasi taxminan 7,5–7,8% atrofida sodir bo‘lmoqda, bu ko‘rsatkich oxirgi yillarda eng past darajalar qatoriga kiradi va Markaziy bankning 2025-yil uchun prognozidan pastroq.  Inflyatsiyaning pasayishiga asosan qat’iy pul-kredit siyosati, milliy valyutaning nisbatan barqarorligi va import narxlarining stabilizatsiyasi ta’sir qilmoqda.  Ammo inflyatsiya barqaror ravishda 5% atrofida bo‘lish maqsadi hali to‘liq amalga oshmagan, shu bois inflyatsiyani yanada pasaytirish uchun kompleks chora-tadbirlar zarur. Mazkur maqolada narxlar barqarorligini ta’minlash, monetar siyosatni takomillashtirish, ishlab chiqarish salohiyatini mustahkamlash, moliyaviy sohani rivojlantirish hamda raqobatni oshirish kabi yo‘nalishlar bo‘yicha amaliy takliflar berilgan. Inflyatsiyani boshqarish milliy iqtisodiyotning barqaror o‘sishi va aholi daromadlarining oshishiga ijobiy ta’sir ko‘rsatadi.