Estudos de Onomástica Galega IX. Os outros nomes

Calquera obxecto ou entidade particular pode ser susceptible de ser nomeado, por unha ou outra razón. Estes nomes, os que non pertencen a persoas (antropónimos) nin a lugares (topónimos), agrúpanse baixo a etiqueta outros nomes. Tal foi o propósito da IX Xornada de Onomástica:, abrir camiños en terreos pouco explorados na nosa lingua e ilustrar a variedade de estratexias de nominación. O contido desta xornada, que aquí recollemos, preséntase estruturado en tres seccións: “Nomeamos o que investigamos”, onde se aborda o tratamento da onomástica en diversos campos científicos; “Nomeamos o que creamos”, onde se analizan os nomes dos grupos de pandeireteiras e os títulos dos fanzines, e finalmente, exponse unha proposta didáctica, que versa sobre os nomes das mascotas.