Quen a Cariño vai, con Cariño volve: escolma de unidades fraseolóxicas de Cariño e a súa contorna

O presente traballo ten como obxectivo rexistrar unha escolma significativa de unidades fraseolóxicas e adicionalmente expresións monolexicais empregadas no concello de Cariño para a súa preservación como parte do seu patrimonio socio-cultural e lingüístico. En total, recóllense 367 unidades fraseolóxicas. A metodoloxía que se seguiu para a recolección destas unidades consistiu en entrevistar a doce persoas (de entre 22 e 84 anos) e na participación en conversas espontáneas con persoas naturais do municipio de Cariño.