Tinglovchilarda kasbiy yoʻnalganlikning psixologik jihatlari

Ushbu maqolada harbiy ta’lim muassasalarida tahsil olayotgan tinglovchilarning kasbiy yo‘nalganligi va uning psixologik tarkibiy qismlari tahlil qilinadi. Tadqiqotning maqsadi harbiy kasbni anglash, kasbiy motivatsiya, kasbiy identifikatsiya, o‘z-o‘ziga ishonch, psixologik barqarorlik va kasbiy moslashuvchanlik o‘rtasidagi bog‘liqlikni konseptual jihatdan asoslashdan iborat. Adabiyotlar tahlili, qiyosiy tahlil, kontent-tahlil va strukturaviy modellashtirish asosida tinglovchilarning kasbiy yo‘nalganligini shakllantiruvchi besh komponentli model taklif etildi. Natijalar harbiy ta’lim jarayonida kasbiy maqsadlarni individuallashtirish, refleksiv mashg‘ulotlar, mentorlik va psixologik diagnostikani tizimli qo‘llash zarurligini ko‘rsatadi.