Qurilish sohasida ekologik xavfsizlikni ta’minlashning huquqiy jihatlari

Mazkur maqolada qurilish sohasida ekologik xavfsizlikni ta’minlash tartibi va huquqiy asoslari toʻgʻrisida to‘xtalib o‘tilgan bo‘lib, ushbu sohaga oid qonunchilikdagi muammolar yuzasidan asosli takliflar taqdim qilingan. Qurilish sohasiga oid normalarda mavjud bo‘lgan ekologik atamalarga huquqiy ta’riflar ifodalab berilgan. Shuningdek, amalga oshirilayotgan qurilish ishlarida ekologik xavfsizlikni ta’minlanishning ahamiyati, atrof-muhitga yetkazilgan zarar va uning oqibatlariga alohida urg‘u berilgan. Ayniqsa, urbanizatsiyalashuv jarayonlarining globallashuvi, aholi sonining oshishi, infratuzilmaning o‘zgarishi natijasida atrof-muhitni muhofaza qilishga oid qonunchilikka ham ta’sir ko‘rsatishi ilmiy-nazariy jihatdan tahlil etilgan. Sohada uchrashi mumkin bo‘lgan huquqiy muammolar bashorat  qilingan va bartaraf etish mumkin bo‘lgan farazlar ilgari surilgan. Xulosa qismida qurilish bosqichlarida ekologik xavfsizlikni ta’minlash bo‘yicha bir qancha talablar bo‘lishi sanab o‘tilgan.