QORAQALPOG'ISTON SHAROITIDA REPRODUKTIV YOSHDAGI QIZLARNING MORFOFUNKSIONAL KO'RSATKICHLARI

Mazkur ilmiy ishda Qoraqalpog‘iston Respublikasining turli ekologik sharoitida yashovchi reproduktiv yoshdagi qizlarning morfofunksional ko‘rsatkichlari tahlil qilindi. Tadqiqotning maqsadi ekologik omillar ta’sirida yosh ayollar organizmining jismoniy va fiziologik rivojlanishidagi o‘zgarishlarni aniqlashdan iborat. Tadqiqot davomida antropometrik (bo‘y, vazn, ko‘krak qafasi aylanasi, troxanter indeksi) hamda fiziologik (arterial qon bosimi, o‘pkaning tiriklik sig‘imi, bilak kuchi) ko‘rsatkichlar o‘rganildi. Olingan natijalar Qoraqalpog‘istonning ekologik noqulay hududlarida yashovchi qizlarda tana massasi indeksi va o‘pka hajmi pasayganini, arterial qon bosimining esa gipotoniya yo‘nalishida ekanini ko‘rsatdi. Shuningdek, ekologik toza zonalarda yashovchi talabalarda morfofunksional ko‘rsatkichlar me’yorga yaqin bo‘lgani aniqlandi. Tadqiqot natijalari ekologik omillarning inson salomatligiga, ayniqsa reproduktiv yoshdagi ayollar organizmiga ta’sirini baholashda ilmiy va amaliy ahamiyatga ega.