Violencias de xénero na novela "Y punto" de Mercedes Castro

Centrarémonos na análise da novela Y punto, de Mercedes Castro, en particular no estudo da súa protagonista, a subinspectora Clara Deza: unha muller forte, deslinguada e inserida nun espazo de homes para homes no que ten que sobrevivir e facerse valer. Será neste mundo misóxino onde terá que enfrontarse á resolución do seu primeiro homicidio. O punto de vista feminino será unha das bases da nosa análise: estudarase a relación de Clara co mundo masculino opresor que a rodea. Os pensamentos de Clara transportan o lector ao seu mundo interior, mostrándonos unha muller que ten que compaxinar a súa vida cotiá co seu traballo, algo que parece diverxer bastante da percepción vital dos seus compañeiros homes. Mercedes Castro presenta unha muller sabedora de que o é, que loita no mundo patriarcal no que vive, mais tamén unha muller real, contradictoria, sobre a que os homes exercen diferentes tipos de violencia. Porén resulta importante a análise desta obra, xa que saca á luz determinados comportamentos patriarcais que ás veces pasan inadvertidos na sociedade actual.