INSON KAPITALI LOYIHALARINI BOSHQARISHDA DAVLAT SIYOSATINING OʻRNI

Ushbu ilmiy maqolada inson kapitali tushunchasi, uning iqtisodiy rivojlanishdagi o‘rni, davlat siyosatining mazkur jarayondagi strategik ahamiyati, inson kapitaliga oid loyihalarni boshqarish mexanizmlari, moliyalashtirish usullari, normativ-huquqiy asoslar, monitoring va baholash tizimlari hamda xalqaro tajribalar keng qamrovda yoritilgan. Tadqiqot inson kapitali rivojida davlatning ko‘p funksiyali roli, zamonaviy boshqaruv yondashuvlari, ustuvor yo‘nalishlar va siyosiy qarorlarning samaradorlikka ta’siri nuqtayi nazaridan chuqur tahlil qilingan. Ushbu maqolada globallashuv sharoitida inson kapitalining davlat taraqqiyotidagi o‘rni va dolzarbligi tahlil qilingan bo‘lib, uning iqtisodiy, ijtimoiy hamda madaniy jarayonlarga ta’siri kompleks yondashuv asosida yoritiladi. Tadqiqotning kirish qismida inson kapitali rivoji zamonaviy jamiyatda barqaror taraqqiyotning asosiy omili sifatida talqin etilib, O‘zbekistonda amalga oshirilayotgan islohotlar, xususan, “Yangi O‘zbekiston” strategiyasining ustuvor yo‘nalishlari konseptual tahlil qilingan. Adabiyotlar sharhida inson kapitali fenomeni chet el va MDH tadqiqotchilari tomonidan sotsiologik, iqtisodiy, etnopsixologik va madaniy-paradigmatik nuqtai nazardan o‘rganilganligi, ushbu ilmiy qarashlarning metodologik asoslari ochib berilgan.