ITALYAN VA O'ZBEK ERTAKLARIDA SARLAVHALARNING LINGVOKULTUROLOGIK XUSUSIYATLARI

Ushbu maqolada italyan va o‘zbek xalq ertaklari sarlavhalarining lingvokulturologik xususiyatlari qiyosiy tahlil qilinadi. Tadqiqot davomida ertak sarlavhalarining semantik tuzilishi, milliy-madaniy mazmuni, ramziy ma'nolari hamda ularning xalq mentaliteti va qadriyatlarini aks ettirishdagi o‘rni o‘rganiladi. Shuningdek, sarlavhalarning nominativ, pragmatik va kommunikativ funksiyalari lingvokulturologik nuqtai nazardan tahlil qilinadi. O‘zbek va italyan ertaklarida uchraydigan antroponimlar, zoonimlar, fitonimlar, mifologik obrazlar va madaniy kodlar misollar asosida qiyoslanadi. Tadqiqot natijalari ikki xalqning milliy dunyoqarashi, tarixiy taraqqiyoti va madaniy qadriyatlari ertak sarlavhalarida o‘ziga xos tarzda namoyon bo‘lishini ko‘rsatadi.