INTEGRATED TOPICS IN CHEMISTRY-BIOLOGY LESSONS

Мақала зерттеу пәні биология және химия сабақтары болып табылатын оқыту әдістемесі тақырыбына арналған. Жұмыстың мақсаты – биология және химия сабақтарында оқушылардың негізгі құзыреттіліктерін қалыптастыру үшін оқыту әдістемесі мен технологиясын әзірлеу. Жалпы және кәсіптік білім беру арасындағы сабақтастықты қамтамасыз ету кезінде химиялық мазмұнды басқа жаратылыстану пәндерінің (биология) мазмұнымен кіріктіру қажеттілігі туындайды, оны мыналар арқылы жүзеге асыруға болады: заттардың химиялық қасиеттері мен олардың биологиялық функцияларын түсіндіруде химия және биология бойынша білімді кіріктіру; биологиялық заңдылықтарды түсіндіруде химиялық заңдар мен теорияларды қолдану; табиғатта және адам ағзасында, жануарлар мен өсімдіктер ағзасында болатын биологиялық заңдылықтарды модельдейтін химиялық зертханалық жұмыстар жүргізу; пәнаралық (химиялық-биологиялық) мазмұны бар химиялық (эксперименталды-теориялық) есептерді қолдану. Жұмыста кіріктірілген сабақтарды мектепке, жалпы пәнді үйрету барысына енгізуәдістемесі ұсынылады.Сонымен қатар, мақалада түрлі әдістерді пайдаланып химия және биология сабақтарын кіріктіру мысалдары келтірілген. Сегізінші және тоғызыншы сыныптардың химия және биология пәндерінің оқулықтары салыстырмалы талдау жасалынып, кіріктірілген сабақтар өткізуге келетін тақырыптар анықталды. Кіріктіруге келетін тақырыптар кестеге нақтыланып, сол тақырып бойынша зерттелетін ұғымдар тізімі жасалынды.