Modelong Eklektiko at Akademikong Pagganap sa Pagbasa ng mga Mag-Aaral sa Mataas na Pambansang Paaralan ng Lampayan

Abstrak Layunin: Nilalayon ng pag-aaral na ito na tukuyin ang kahusayan at epekto ng paggamit ng Modelong Eklektiko (Basal Reading at Language Experience Approaches) sa akademikong pagganap sa pagbasa. Metodolohiya: Gamit ang kwasi-eksperimental na disenyo gamit ang purposive sampling sa pamamaraang lottery, isinagawa ang pananaliksik sa Mataas na Pambansang Paaralan ng Lampayan sa ikatatlong markahan sa taong panuruan 2024-2025. Gumamit ang mananaliksik ng pauna at panghuling pagsusulit at magkasunod na sarbey upang alamin ang antas ng integrasyon at pagtanggap ng modelong eklektiko bilang paraan sa pagtuturo sa pabasa. Resulta: Batay sa naging resulta, inilahad ang napakataas na antas ng integrasyon ng modelong eklektiko sa pagtuturo ng pagbasa. Dagdag pa rito, hindi umabot sa ekspektasyon ang antas ng resulta ng paunang pagsuslit sa akademikong pagganap sa pagbasa subalit tumaas ang naging kinalabasan ng panghuling pagsusulit na inilalarawang namumukod matapos ang pagpapatupad ng modelong eklektiko. Kinakitaan ng napakataas na pagtanggap ang paggamit ng modelong eklektiko mula sa mga guro at mag-aaral na nagpakita ng makabuluhang pagkakaiba sa pagitan ng mga iskor sa pauna at panghuling pagsusulit. Konklusyon: Ang eklektikong modelo ay epektibo sa pagpapabuti ng akademikong pagganap sa pagbasa at maaari itong maging epektibong paraan sa pagtugon sa pangangailan ng mga Frustrated Readers sa Junior High School. Mga Susing Salita: modelong eklektiko, akademikong pagganap, basal reading approach, language experience approach